Пры выкарыстанні інфармацыі, размешчанай на сайце fingramota.by, спасылка на сайт абавязковая!

План сумесных дзеянняў па павышэнні фінансавай граматнасці насельніцтва на 2019–2024 гады прыняты ў Беларусі

16.04.2019

Пастановай Савета Міністраў Рэспублікі Беларусь і Нацыянальнага банка Рэспублікі Беларусь ад 12 красавіка 2019 г. № 241/6 зацверджаны план сумесных дзеянняў па павышэнні фінансавай граматнасці насельніцтва на 2019–2024 гады.

 

Дакумент прыняты з мэтай забеспячэння на дзяржаўным узроўні сістэмнай работы па павышэнні фінансавай граматнасці насельніцтва Рэспублікі Беларусь як неабходнай умовы паляпшэння дабрабыту і якасці жыцця грамадзян і ўмацавання фінансавай стабільнасці ў краіне.

Прыняцце плана дасць магчымасць:

  • каардынаваць дзеянні дзяржаўных органаў і іншых зацікаўленых арганізацый;
  • прыцягнуць да дзейнасці ў гэтым напрамку шырокае кола ўдзельнікаў;
  • падтрымаць прыватныя і грамадскія ініцыятывы ў галіне павышэння фінансавай граматнасці;
  • укараніць лепшыя міжнародныя практыкі ў частцы рэалізацыі нацыянальных стратэгій у галіне павышэння фінансавай граматнасці насельніцтва.

У адпаведнасці з планам, асноўная работа будзе праводзіцца па шасці тэматычных напрамках: персанальныя фінансы, базавыя фінансавыя веды, лічбавыя фінансавыя тэхналогіі, падатковая граматнасць, страхаванне, абарона правоў спажыўцоў фінансавых паслуг.

Для рэалізацыі плана зацверджаны шэраг мерапрыемстваў, якія прадугледжваюць канкрэтныя дзеянні рэспубліканскіх органаў дзяржаўнага кіравання, асацыяцый прафесійных удзельнікаў фінансавага рынку, пастаўшчыкоў фінансавых паслуг, устаноў адукацыі, сродкаў масавай інфармацыі, грамадскіх арганізацый па павышэнні фінансавай граматнасці асноўных мэтавых груп – школьнікаў, моладзі, настаўнікаў, працоўных, пенсіянераў, беспрацоўных і людзей з інваліднасцю. Пры гэтым для работы з названымі мэтавымі групамі будуць выкарыстоўвацца розныя інструменты: адміністрацыйныя, медыйныя, навучальныя мерапрыемствы, а таксама прамая тлумачальная работа і спецыяльныя мерапрыемствы.

Агульную каардынацыю дасягнення мэты і рэалізацыі задач плана ажыццяўляе міжведамасны каардынацыйны савет, бягучы маніторынг выканання мерапрыемстваў і ацэнку дзейнасці па павышэнні фінансавай граматнасці – Нацыянальны банк. У перыяд рэалізацыі плана запланавана правядзенне кожныя два гады (у 2020, 2022 і 2024 гадах) рэспубліканскіх апытанняў насельніцтва, якія дазволяць ацаніць эфектыўнасць дзейнасці па павышэнні фінансавай граматнасці насельніцтва ў краіне.

Даведачна. У мінулым годзе ў Рэспубліцы Беларусь завершана рэалізацыя плана сумесных дзеянняў дзяржаўных органаў і ўдзельнікаў фінансавага рынку па павышэнні фінансавай граматнасці насельніцтва Рэспублікі Беларусь на 2013–2018 гады, зацверджанага пастановай Савета Міністраў Рэспублікі Беларусь і Нацыянальнага банка Рэспублікі Беларусь ад 17 студзеня 2013 г. № 31/1.

Праведзеныя ў 2013, 2016 і 2017 гадах даследаванні дазваляюць зрабіць выснову аб эфектыўнасці дзейнасці, якая ажыцяўляецца ў рамках рэалізацыі плана сумесных дзеянняў дзяржаўных органаў і ўдзельнікаў фінансавага рынку па павышэнні фінансавай граматнасці насельніцтва Рэспублікі Беларусь на 2013–2018 гады, у выніку чаго склалася тэндэнцыя да паступовага і ўстойлівага павышэння ўзроўню фінансавай граматнасці і дасведчанасці насельніцтва. Так, колькасць рэспандэнтаў, якія валодаюць пытаннямі фінансавай матэматыкі на добрым узроўні, у 2016 годзе ў параўнанні з 2013 годам узрасла ўдвая. Пры гэтым доля рэспандэнтаў, у якіх фінансавыя веды і ўменні былі на вельмі нізкім узроўні, паменшылася з 18% у 2013 годзе да 12% у 2016 годзе.

КУРСЫ валют

21.05.19 22.05.19
EUR Еўра 2,3235 2,3142
USD Долар ЗША 2,0819 2,0759
RUB 100 Расійскіх рублёў 3,2268 3,2154
Кошык валют (USD, EUR, RUB) 0,2640
Правер сваю фінансавую дасведчанасць

Навіны

Прэзентацыя "Грошы, інфляцыя, цэнавая стабільнасць"

08.03.2019

Дарагія сябры!

Прапануем вашай увазе прэзентацыю (і тэкст да яе), распрацаваную для правядзення заняткаў па фінансавай граматнасці са школьнікамі 8 - 11 класаў падчас Міжнароднага Тыдня фінансавай граматнасці, які пройдзе ў Беларусі, як і ва ўсім свеце, з 25 па 31 сакавіка 2019 г.

Які крэдыт сапраўды таннейшы?

З уступленнем у сілу новага Банкаўскага кодэкса ў Беларусі былі "знішчаны" ўсе камісіі па крэдытах, якія раней часта прапаноўвалі асобныя банкі. Аднак поўнай празрыстасці чакаць не выпадае. Так ці іначай банкі будуць імкнуцца ўзяць грошы хаця б за што-небудзь. Тым больш паказваць у рэкламе завоблачныя стаўкі нікому не захочацца.

Калі вы хочаце выбраць найбольш выгадны і прымальны для вас крэдыт (калі, дарэчы, ён сапраўды патрэбны і без яго ніяк не абысціся), то неабходна звяртаць увагу не толькі на стаўку, якую вам прапануюць. 

Заўсёды пытайцеся наконт усіх выплат, якія вы павінны будзеце зрабіць, калі прыходзіце ў банк па крэдыт (незалежна ад таго, які гэта крэдыт, — спажывецкі, на картку, экспрэс-крэдыт, крэдыт на нерухомасць і аўтамабіль). Гэта могуць аказацца: плата за афармленне дакументаў, за выпуск крэдытнай карткі, страхаванне, за зняцце наяўных сродкаў і гэтак далей. Будзьце пільнымі.

Беражы крэдытную гісторыю з самага пачатку

Знайсці сёння чалавека, жыццёвы "анамнез" якога ні быў бы абцяжараны хаця б адным крэдытам, справа не з простых.

Як спланаваць уласны бюджэт?

1. Неабходна вызначыць, якія даходы ёсць у сям’і, гэта значыць тыя сродкі, якія маюцца ў вашым распараджэнні ці будуць мецца. Напрыклад, зарплата, даходы ад укладаў і г.д.

2. Варта распісаць і ўлічыць усе выдаткі, размеркаваўшы іх на абавяз- ковыя (неабходныя) і неабавязковыя.

3. Наступны крок — супаставіць даходы і выдаткі. Калі даходаў больш, чым выдаткаў, то гэта значыць, што вы на правільным шляху і можаце вы- карыстоўваць гэтую розніцу на датэрміновае пагашэнне крэдыту, на доўгатэрміновае планаванне, зберажэнні. Калі расходаў больш, чым даходаў, то неабходна старанна ацаніць свае неабавязковыя выдаткі і па максімуме скараціць іх, каб даходы зраўняліся з выдаткамі. І ў далейшым неабходна строга кантраляваць свае даходы і выдаткі.

Для складання бюджэту на больш доўгі тэрмін патрабуецца ўлічыць яшчэ такія фактары, як эканамічная сітуацыя ў краіне, інфляцыя. Складанне сямейнага бюджэту і яго выкананне прывядзе да эканоміі пэўнай колькасці грошай, якія пасля будуць неабходныя для рэалізацыі жыццёвых мэт. Міжнародныя спецыялісты раяць 5—10% ад даходу адкладаць, фарміруючы тым самым падушку бяспекі сям’і. У кожнай сям’і падушка бяспекі павінна складаць 3-4 штомесячныя бюджэты. Бо заўсёды ёсць незапланаваныя выдаткі. У сярэднім збалансаваны бюджэт сям’і выглядае наступным чынам:

— 50—60% — абавязковыя плацяжы, пакупка рэчаў, неабходных для жыцця;

— 20—30% — забавы, падарожжы, адпачынак;

— 10—20% — зберажэнні (рэзервовы фонд; сродкі для далейшага інвеставання; назапашванне пэўнай сумы на якую-небудзь глабальную куплю; пенсійныя зберажэнні і інш.).

Як выбраць крэдыт?

Рашэнне аб звароце за крэдытам павінна прымацца сур'ёзна і ўзважана. Падумайце і яшчэ раз крытычна ацаніце неабходнасць звяртацца за крэдытам. Пажадана, каб крэдыт браўся на сапраўдна неадкладныя і абгрунтаваныя мэты. Ва ўсіх астатніх выпадках лепш накапіць. Але ў жыцці бываюць такія сітуацыі, калі без дадатковых грашовых паступленняў немагчыма вырашыць тую ці іншую важную праблему і неабходнасць узяць крэдыт прызнаецца надзённай.

Перад падпісаннем крэдытнага дагавора старанна вывучыце яго. Ніколі не падпісвайце паперы не чытаючы! Уважліва і ўдумліва чытайце ўсе пункты крэдытнага дагавора! У гэтых мэтах, па магчымасці, вазьміце крэдытны дагавор дадому, больш уважліва вывучыце яго ўмовы, якія ўстанаўліваюць Вашы абавязкі, пераканайцеся, што крэдытны дагавор не ўтрымлівае умоў, пра якія Вам не вядома ці сэнс якіх Вам не ясны. Звярніце ўвагу, дапускаецца ці ўмовамі крэдытнага дагавора магчымасць датэрміновага пагашэння крэдыту. Часам банкі ва ўмовы крэдытнага дагавора ўключаюць пункты, якія змяшчаюць штрафныя санкцыі ці камісіі за датэрміновае пагашэнне крэдыту. Для ўсіх фінансавых устаноў агульным з'яўляецца патрабаванне Нацыянальнага банка: прадастаўляць кліенту поўную інфармацыю аб працэнтах па крэдыце, забароненыя «схаваныя» плацяжы і камісіі. У мэтах абароны правоў крэдытаатрымальнікаў маецца таксама патрабаванне аб тым, што змяненне ўмоў крэдытнага дагавора, якое цягне змяненне памеру працэнтаў за карыстанне крэдытам, магчыма толькі пасля заключэння дадатковага пагаднення з крэдытаатрымальнікам. У разе не згоды на змяненне ўмоў крэдытаатрымальніку прадастаўлена права датэрміновага пагашэння крэдыту. Пры гэтым тэрмін пагашэння не можа складаць менш за тры месяцы з дня прад'яўлення патрабавання аб датэрміновым вяртанні.