Пры выкарыстанні інфармацыі, размешчанай на сайце fingramota.by, спасылка на сайт абавязковая!

Кніга "Фінансавая грамата"

18.05.2015

20 мая 2015 г. у Нацыянальным банку Рэспублікі Беларусь адбылася прэзентацыя выдання "Фінансавая грамата".

Рэалізацыя гэтага праекта стала магчымая дзякуючы супрацоўніцтву Нацыянальнага банка з кампаніяй Visa.

Упершыню навучальны дапаможнік з аналагічнай назвай быў выпушчаны Расійскай эканамічнай школай пры падтрымцы кампаній Visa і Citi Foundation ў 2009 годзе. Беларуская рэдакцыя кнігі была дапрацавана і выдадзена ў 2015 годзе з улікам асаблівасцяў нацыянальнага заканадаўства ў сферы рэгулявання фінансаў і фінансавага рынку.

Прадстаўленае выданне разлічана на павышэнне фінансавых ведаў маладога пакалення і дарослых людзей. Аўтары кнігі - загадчык кафедры фінансаў Расійскай эканамічнай школы, прафесар, дырэктар праграмы "Майстар фінансаў" Аляксей Гараеў і судырэктар праграмы "Фінансавая грамата" Расійскай эканамічнай школы Валерый Чумачэнка. Над адаптацыяй беларускай версіі працавалі спецыялісты Нацыянальнага банка, Палескага дзяржаўнага універсітэта, Асацыяцыі беларускіх банкаў і Беларускай асацыяцыі страхавальнікаў. Кніга складаецца з дзевяці раздзелаў, у якіх у даступнай форме на рэальных прыкладах распавядаецца аб розных відах фінансавай дзейнасці: ад планавання асабістага бюджэту да працы з каштоўнымі паперамі, прынцыпаў інвеставання, асноўных відаў страхавання.

Практычная і актуальная, простая і цікавая - у кнізе шмат "тлумачальных" малюнкаў, жыццевыя гісторыі, задачкі і гласарый. 

Усяго выпушчана паўтары тысячы экзэмпляраў. Частка кніг будзе перададзена Беларускаму рэспубліканскаму саюзу моладзі для далейшай перадачы кніг ва ўсе ВНУ краіны, частка - Нацыянальнаму банку для правядзення ўрокаў фінансавай свядомасцi, частка - у Нацыянальную бібліятэку.

Выпуск навучальнага дапаможніка "Фінансавая грамата" у Рэспубліцы Беларусь з'яўляецца складовай часткай глабальнай ініцыятывы кампаніі Visa па павышэнні ўзроўню фінансавай свядомасцi насельніцтва. Дадзеная кампанія першай сярод удзельнікаў беларускага фінансавага рынку ў 2013 годзе падпісала Мемарандум аб супрацоўніцтве ў галіне фінансавай пісьменнасці з Нацыянальным банкам Рэспублікі Беларусь.

У прэзентацыі прынялі ўдзел:

Сяргей Дубкоў - намеснік Старшыні Праўлення Нацыянальнага банка Рэспублікі Беларусь;

Мэндзі Лэмб - генеральны менеджэр Visa, група краін СНД і Паўднёва-Усходняй Еўропы;

Ігар Кавалёў - рэгіянальны менеджэр Visa ў Беларусі і Малдове;

аўтары кнігі:

Аляксей Гараеў - загадчык кафедры фінансаў Расійскай эканамічнай школы, прафесар, дырэктар праграмы "Майстар фінансаў";

Валерый Чумачэнка - судырэктар праграмы "Фінансавая грамата" Расійскай эканамічнай школы;

Андрэй Белякоў - Першы сакратар ЦК ГА "Беларускі Рэспубліканскі саюз моладзі";

прадстаўнікі Асацыяцыі беларускіх банкаў;

прадстаўнікі Беларускай асацыяцыі страхавальнікаў.

 

 

КУРСЫ валют

22.10.19 23.10.19
EUR Еўра 2,2758 2,2702
USD Долар ЗША 2,0391 2,0373
RUB 100 Расійскіх рублёў 3,1973 3,2006
Кошык валют (USD, EUR, RUB) 0,2609
Правер сваю фінансавую дасведчанасць

Навіны

Прэзентацыя "Грошы, інфляцыя, цэнавая стабільнасць"

08.03.2019

Дарагія сябры!

Прапануем вашай увазе прэзентацыю (і тэкст да яе), распрацаваную для правядзення заняткаў па фінансавай граматнасці са школьнікамі 8 - 11 класаў падчас Міжнароднага Тыдня фінансавай граматнасці, які пройдзе ў Беларусі, як і ва ўсім свеце, з 25 па 31 сакавіка 2019 г.

Актуальная інфармацыя

Конкурс студэнтаў, магістрантаў і аспірантаў!

02.09.2019

Нацыянальны банк аб'яўляе аб правядзенні конкурсу на лепшую работу па эканамічнай тэматыцы сярод студэнтаў, магістрантаў і аспірантаў устаноў вышэйшай адукацыі Рэспублікі Беларусь!

Навучальнае відэа

Інвестыцыі і фінансавыя рызыкі

Які крэдыт сапраўды таннейшы?

З уступленнем у сілу новага Банкаўскага кодэкса ў Беларусі былі "знішчаны" ўсе камісіі па крэдытах, якія раней часта прапаноўвалі асобныя банкі. Аднак поўнай празрыстасці чакаць не выпадае. Так ці іначай банкі будуць імкнуцца ўзяць грошы хаця б за што-небудзь. Тым больш паказваць у рэкламе завоблачныя стаўкі нікому не захочацца.

Калі вы хочаце выбраць найбольш выгадны і прымальны для вас крэдыт (калі, дарэчы, ён сапраўды патрэбны і без яго ніяк не абысціся), то неабходна звяртаць увагу не толькі на стаўку, якую вам прапануюць. 

Заўсёды пытайцеся наконт усіх выплат, якія вы павінны будзеце зрабіць, калі прыходзіце ў банк па крэдыт (незалежна ад таго, які гэта крэдыт, — спажывецкі, на картку, экспрэс-крэдыт, крэдыт на нерухомасць і аўтамабіль). Гэта могуць аказацца: плата за афармленне дакументаў, за выпуск крэдытнай карткі, страхаванне, за зняцце наяўных сродкаў і гэтак далей. Будзьце пільнымі.

Беражы крэдытную гісторыю з самага пачатку

Знайсці сёння чалавека, жыццёвы "анамнез" якога ні быў бы абцяжараны хаця б адным крэдытам, справа не з простых.

Як спланаваць уласны бюджэт?

1. Неабходна вызначыць, якія даходы ёсць у сям’і, гэта значыць тыя сродкі, якія маюцца ў вашым распараджэнні ці будуць мецца. Напрыклад, зарплата, даходы ад укладаў і г.д.

2. Варта распісаць і ўлічыць усе выдаткі, размеркаваўшы іх на абавяз- ковыя (неабходныя) і неабавязковыя.

3. Наступны крок — супаставіць даходы і выдаткі. Калі даходаў больш, чым выдаткаў, то гэта значыць, што вы на правільным шляху і можаце вы- карыстоўваць гэтую розніцу на датэрміновае пагашэнне крэдыту, на доўгатэрміновае планаванне, зберажэнні. Калі расходаў больш, чым даходаў, то неабходна старанна ацаніць свае неабавязковыя выдаткі і па максімуме скараціць іх, каб даходы зраўняліся з выдаткамі. І ў далейшым неабходна строга кантраляваць свае даходы і выдаткі.

Для складання бюджэту на больш доўгі тэрмін патрабуецца ўлічыць яшчэ такія фактары, як эканамічная сітуацыя ў краіне, інфляцыя. Складанне сямейнага бюджэту і яго выкананне прывядзе да эканоміі пэўнай колькасці грошай, якія пасля будуць неабходныя для рэалізацыі жыццёвых мэт. Міжнародныя спецыялісты раяць 5—10% ад даходу адкладаць, фарміруючы тым самым падушку бяспекі сям’і. У кожнай сям’і падушка бяспекі павінна складаць 3-4 штомесячныя бюджэты. Бо заўсёды ёсць незапланаваныя выдаткі. У сярэднім збалансаваны бюджэт сям’і выглядае наступным чынам:

— 50—60% — абавязковыя плацяжы, пакупка рэчаў, неабходных для жыцця;

— 20—30% — забавы, падарожжы, адпачынак;

— 10—20% — зберажэнні (рэзервовы фонд; сродкі для далейшага інвеставання; назапашванне пэўнай сумы на якую-небудзь глабальную куплю; пенсійныя зберажэнні і інш.).

Як выбраць крэдыт?

Рашэнне аб звароце за крэдытам павінна прымацца сур'ёзна і ўзважана. Падумайце і яшчэ раз крытычна ацаніце неабходнасць звяртацца за крэдытам. Пажадана, каб крэдыт браўся на сапраўдна неадкладныя і абгрунтаваныя мэты. Ва ўсіх астатніх выпадках лепш накапіць. Але ў жыцці бываюць такія сітуацыі, калі без дадатковых грашовых паступленняў немагчыма вырашыць тую ці іншую важную праблему і неабходнасць узяць крэдыт прызнаецца надзённай.

Перад падпісаннем крэдытнага дагавора старанна вывучыце яго. Ніколі не падпісвайце паперы не чытаючы! Уважліва і ўдумліва чытайце ўсе пункты крэдытнага дагавора! У гэтых мэтах, па магчымасці, вазьміце крэдытны дагавор дадому, больш уважліва вывучыце яго ўмовы, якія ўстанаўліваюць Вашы абавязкі, пераканайцеся, што крэдытны дагавор не ўтрымлівае умоў, пра якія Вам не вядома ці сэнс якіх Вам не ясны. Звярніце ўвагу, дапускаецца ці ўмовамі крэдытнага дагавора магчымасць датэрміновага пагашэння крэдыту. Часам банкі ва ўмовы крэдытнага дагавора ўключаюць пункты, якія змяшчаюць штрафныя санкцыі ці камісіі за датэрміновае пагашэнне крэдыту. Для ўсіх фінансавых устаноў агульным з'яўляецца патрабаванне Нацыянальнага банка: прадастаўляць кліенту поўную інфармацыю аб працэнтах па крэдыце, забароненыя «схаваныя» плацяжы і камісіі. У мэтах абароны правоў крэдытаатрымальнікаў маецца таксама патрабаванне аб тым, што змяненне ўмоў крэдытнага дагавора, якое цягне змяненне памеру працэнтаў за карыстанне крэдытам, магчыма толькі пасля заключэння дадатковага пагаднення з крэдытаатрымальнікам. У разе не згоды на змяненне ўмоў крэдытаатрымальніку прадастаўлена права датэрміновага пагашэння крэдыту. Пры гэтым тэрмін пагашэння не можа складаць менш за тры месяцы з дня прад'яўлення патрабавання аб датэрміновым вяртанні.