Пры выкарыстанні інфармацыі, размешчанай на сайце fingramota.by, спасылка на сайт абавязковая!

Грошы

Уклады

Інвестыцыі

Крэдыты

Планаванне асабістага бюджэту

Страхаванне і падаткі

Развіццё фінансавага рынку

Безнаяўны разлік

Узнагароджанне пераможцаў першага этапу конкурсу «Сам себе дизайнер»

26.07.2016

У суботу 23 ліпеня ў Нацыянальным мастацкім музеі прайшла цырымонія ўзнагароджвання пераможцаў першага этапу конкурсу "Сам сабе дызайнер". На цырымоніі прысутнічалі пераможцы і іх бацькі, прадстаўнікі БЕЛКАРТ і Беларусбанка, а таксама чальцы журы.

Распачалі цырымонію ўзнагароджання прадстаўнікі плацёжнай сістэмы БЕЛКАРТ і Беларусбанка, якія выступілі з вітальным словам.

Прызы атрымалі не толькі пераможцы конкурсу. Спецыяльны падарунак атрымаў і самы маленькі ўдзельнік конкурсу – чатырохгадовы Макар Шубовіч.

З творчым нумарамі на мерапрыемстве выступілі выхаванцы тэатральнай подыум-школы “Зоркі Вясёлкі” і цыркавы жанглёр.

Прыемным бонусам для наведвальнікаў цырымоніі ўзнагароджання стала экскурсія па Нацыянальнаму мастацкаму музею. Дзеці і дарослыя пазнаёміліся з унікальнымі экспанатамі, якія захоўваюцца ў экспазіцыі музея.

Конкурс "Сам сабе дызайнер" праводзіцца ў рамках праекта kartochki.by, які рэалізуе плацёжная сістэма БЕЛКАРТ сумесна з Беларусбанкам. Праект быў запушчаны ў траўні 2016 года. Кожны месяц журы абірае лепшыя працы, якія створаныя з дапамогай сэрвісу kartochki.by. Для ўдзелу ў конкурсе неабходна стварыць свой дызайн, паставіць галачку ў поле "Прыняць удзел у конкурсе" і ўказаць дадатковую інфармацыю пра сябе. 

КУРСЫ валют

 17.02.19 18.02.19
EUR Еўра 2,4432 2,4432
USD Долар ЗША 2,1666 2,1666
RUB 100 Расійскіх рублёў 3,2497 3,2497
Кошык валют (USD, EUR, RUB) 0,2718
Стаўка рэфінансавання 10%
Правер сваю фінансавую дасведчанасць

Навіны

Юны фінансіст

02.11.2018

1 лістапада 2018 года Асацыяцыя беларускіх банкаў і Мінскі дзяржаўны палац дзяцей і моладзі правялі конкурс па фінансавай граматнасці "Юны фінансіст" сярод дзяцей супрацоўнікаў банкаў Рэспублікі Беларусь.

Падрабязней...
Усе навіны

Актуальная інфармацыя

Даследаванне "Развіццё дзейнасці па павышэнню фінансавай граматнасці насельніцтва ў Рэспубліцы Беларусь: аналіз і перспектывы"

15.10.2018

У працы прааналізаваны даследаванні па фінансавай граматнасці і доступу да фінансаў у Рэспубліцы Беларусь.

Падрабязней...
Уся інфармацыя

Навучальнае відэа

Аляксандра Герасіменя аб банкаўскіх дэпазітах

Навучальнае відэа

Фільмы і мультфільмы

Бюджэт

Фільмы і мультфільмы

Фотагалерэя

Усе фота

Які крэдыт сапраўды таннейшы?

З уступленнем у сілу новага Банкаўскага кодэкса ў Беларусі былі "знішчаны" ўсе камісіі па крэдытах, якія раней часта прапаноўвалі асобныя банкі. Аднак поўнай празрыстасці чакаць не выпадае. Так ці іначай банкі будуць імкнуцца ўзяць грошы хаця б за што-небудзь. Тым больш паказваць у рэкламе завоблачныя стаўкі нікому не захочацца.

Калі вы хочаце выбраць найбольш выгадны і прымальны для вас крэдыт (калі, дарэчы, ён сапраўды патрэбны і без яго ніяк не абысціся), то неабходна звяртаць увагу не толькі на стаўку, якую вам прапануюць. 

Заўсёды пытайцеся наконт усіх выплат, якія вы павінны будзеце зрабіць, калі прыходзіце ў банк па крэдыт (незалежна ад таго, які гэта крэдыт, — спажывецкі, на картку, экспрэс-крэдыт, крэдыт на нерухомасць і аўтамабіль). Гэта могуць аказацца: плата за афармленне дакументаў, за выпуск крэдытнай карткі, страхаванне, за зняцце наяўных сродкаў і гэтак далей. Будзьце пільнымі.

Беражы крэдытную гісторыю з самага пачатку

Спампаваць

Знайсці сёння чалавека, жыццёвы "анамнез" якога ні быў бы абцяжараны хаця б адным крэдытам, справа не з простых.

Як спланаваць уласны бюджэт?

Спампаваць

1. Неабходна вызначыць, якія даходы ёсць у сям’і, гэта значыць тыя сродкі, якія маюцца ў вашым распараджэнні ці будуць мецца. Напрыклад, зарплата, даходы ад укладаў і г.д.

2. Варта распісаць і ўлічыць усе выдаткі, размеркаваўшы іх на абавяз- ковыя (неабходныя) і неабавязковыя.

3. Наступны крок — супаставіць даходы і выдаткі. Калі даходаў больш, чым выдаткаў, то гэта значыць, што вы на правільным шляху і можаце вы- карыстоўваць гэтую розніцу на датэрміновае пагашэнне крэдыту, на доўгатэрміновае планаванне, зберажэнні. Калі расходаў больш, чым даходаў, то неабходна старанна ацаніць свае неабавязковыя выдаткі і па максімуме скараціць іх, каб даходы зраўняліся з выдаткамі. І ў далейшым неабходна строга кантраляваць свае даходы і выдаткі.

Для складання бюджэту на больш доўгі тэрмін патрабуецца ўлічыць яшчэ такія фактары, як эканамічная сітуацыя ў краіне, інфляцыя. Складанне сямейнага бюджэту і яго выкананне прывядзе да эканоміі пэўнай колькасці грошай, якія пасля будуць неабходныя для рэалізацыі жыццёвых мэт. Міжнародныя спецыялісты раяць 5—10% ад даходу адкладаць, фарміруючы тым самым падушку бяспекі сям’і. У кожнай сям’і падушка бяспекі павінна складаць 3-4 штомесячныя бюджэты. Бо заўсёды ёсць незапланаваныя выдаткі. У сярэднім збалансаваны бюджэт сям’і выглядае наступным чынам:

— 50—60% — абавязковыя плацяжы, пакупка рэчаў, неабходных для жыцця;

— 20—30% — забавы, падарожжы, адпачынак;

— 10—20% — зберажэнні (рэзервовы фонд; сродкі для далейшага інвеставання; назапашванне пэўнай сумы на якую-небудзь глабальную куплю; пенсійныя зберажэнні і інш.).

Як выбраць крэдыт?

Спампаваць

Рашэнне аб звароце за крэдытам павінна прымацца сур'ёзна і ўзважана. Падумайце і яшчэ раз крытычна ацаніце неабходнасць звяртацца за крэдытам. Пажадана, каб крэдыт браўся на сапраўдна неадкладныя і абгрунтаваныя мэты. Ва ўсіх астатніх выпадках лепш накапіць. Але ў жыцці бываюць такія сітуацыі, калі без дадатковых грашовых паступленняў немагчыма вырашыць тую ці іншую важную праблему і неабходнасць узяць крэдыт прызнаецца надзённай.

Перад падпісаннем крэдытнага дагавора старанна вывучыце яго. Ніколі не падпісвайце паперы не чытаючы! Уважліва і ўдумліва чытайце ўсе пункты крэдытнага дагавора! У гэтых мэтах, па магчымасці, вазьміце крэдытны дагавор дадому, больш уважліва вывучыце яго ўмовы, якія ўстанаўліваюць Вашы абавязкі, пераканайцеся, што крэдытны дагавор не ўтрымлівае умоў, пра якія Вам не вядома ці сэнс якіх Вам не ясны. Звярніце ўвагу, дапускаецца ці ўмовамі крэдытнага дагавора магчымасць датэрміновага пагашэння крэдыту. Часам банкі ва ўмовы крэдытнага дагавора ўключаюць пункты, якія змяшчаюць штрафныя санкцыі ці камісіі за датэрміновае пагашэнне крэдыту. Для ўсіх фінансавых устаноў агульным з'яўляецца патрабаванне Нацыянальнага банка: прадастаўляць кліенту поўную інфармацыю аб працэнтах па крэдыце, забароненыя «схаваныя» плацяжы і камісіі. У мэтах абароны правоў крэдытаатрымальнікаў маецца таксама патрабаванне аб тым, што змяненне ўмоў крэдытнага дагавора, якое цягне змяненне памеру працэнтаў за карыстанне крэдытам, магчыма толькі пасля заключэння дадатковага пагаднення з крэдытаатрымальнікам. У разе не згоды на змяненне ўмоў крэдытаатрымальніку прадастаўлена права датэрміновага пагашэння крэдыту. Пры гэтым тэрмін пагашэння не можа складаць менш за тры месяцы з дня прад'яўлення патрабавання аб датэрміновым вяртанні.